“Komisioni Europian tani ka siguruar kontrata me gjashtë kompani. Qytetarët e parë evropianë mund të jenë vaksinuar tashmë para fundit të dhjetorit”. Kështu ka deklaruar Presidentja e KE, Ursula von der Leyen.
“Më në fund ka dritë në fund të tunelit,” tha ajo, ndërsa foli në Parlamentin Europian.
Më tej, Ursula von der Leyen shtoi se vaksinat janë shumë të rëndësishme dhe se shtetet anëtare duhet të përgatiten që tani.
“Shtetet anëtare duhet të përgatiten logjikisht për marrjen e qindra miliona dozave. Sepse kjo është bileta jonë si mënyra e vetme për të dalë nga pandemia,” tha ajo.
Marrëveshjet e lejojnë atë të blejë mbi 800 milionë doza, më shumë sesa popullsia e bllokut, e cila qëndron në rreth 460 milion njerëz.
g.kosovari
