Keith Williams nga Uellsi ishte shpërndarës qymyri, në biznesin e babait adoptues, punë që e bëri për njëzet vjet, deri sa mësoi se ishte bir i një sulltani.
I vendosur të gjente prindërit biologjikë, Williams arriti të gjente fillimisht nënën, nga e cila mësoi se i ati vinte nga një vend mijëra kilometra larg.
Elisabeth Rosa, kur ishte 17 vjeç, punonte si infermiere në Londër dhe kishte pasur lidhje me një princ nga Peraku, një nga 13 shtetet e Malajzisë. Nga lidhja lindi Keith, i cili u dha për adoptim nga adoleshentja, e kthyer në Llanelli të Uellsit, kur ishte vetëm katër muajsh. Princi Idris Iskandar El-Mutavakili Alallahi Shah u largua nga Anglia, për t’u kthyer në vendin e tij, ku u bë Sulltani i 33-të i Perakut, më 5 janar 1963, deri në vdekjen e tij, më 31 janar 1984.
“Më duket si një histori filmash”, është shprehur Williams.
Gjurmimi i familjes arrit përmes një programi televiziv.
