Një gazetë e vogël bretone, ka publikuar një artikull të titulluar “CIA provokon një sulm islamist në Maqedoni për të sabotuar gazsjellësin ruso-grek”, pas ngjarjeve në Kumanovë. Sipas këtij shkrimi të gazetës Breiz Atao, ku nuk mungojnë skenaret e supozuar ndërkombëtarë, SHBA po përpiqet të prishë aleancën ruso-greke, për të sjellë gazin rus në Ballkan, duke kaluar nga territoret e disa vendeve të rajonit, mes të cilëve edhe Maqedonia.
Me një interpretim gjysëm-qesharak, gazeta në fjalë shprehet se amerikanët po tentojnë të sabotojnë projektin rus të gazit, duke shtyrë “mafian kosovare” që të sulmojë Maqedoninë. Gazeta thotë se ky është një shembull i rradhës, i aleancës së habitshme “islamo-atlantike”. Sipas saj, qëllimi i kësaj manovre është i qartë: të bëjë që të dështojë “Balkan stream”-i rus, pra alternativa ruse e gazit në rajonin tonë, duke kërcenuar me luftë autoritetet maqedone, të cilat po tërhiqen nga oferat ruso-greke e gazit.
