Në një intervistë ekskluzive për “Zërin”, Haras Rafiç, drejtori menaxhues i organizatës së parë të ekspertëve kundër terrorizmit në botë, me seli në Londër, “Quilliam” ka paralajmëruar për sulmet e shumta qe e presin Evropën.
Evropa pritet të përballet me sulme të shumta terroriste brenda vitit 2016. Kështu i ka thënë gazetës “Zëri” në një intervistë ekskluzive, Haras Rafiq, drejtori menaxhues i organizatës së parë të ekspertëve kundër terrorizmit në botë, me seli në Londër, “Quilliam”. Rafiç, i cili më herët ka qenë edhe anëtar i task-forcës kundër terrorizmit në Qeverinë e Britanisë së Madhe, e ka pranuar se shërbimet e sigurisë në Evropë, por edhe në Britani momentalisht janë të mbingarkuara, dhe do ta kenë të pamundur që të përgjigjen ndaj gjithë kërkesave.
Si një person i cili ka punuar me vite të tëra me qeverinë britanike dhe organizata të ndryshme në analizimin e radikalizmit dhe deradikalizmit të terroristëve, Rafiq ka thënë se është e rëndësishme që njerëzit të mos i dorëzohen terrorit.
Madje, ai ka porositur edhe bashkëqytetarët e tij, që këto sulme të mos ndikojnë në mënyrën se si ata do të votojnë në referendumin e Britanisë për të dalë apo jo nga Evropa…