Faji i saj? Quhet Isis, që nuk është veçse forma greko-latine (edhe angleze) e emrit Isida, hyjnesha e pjellorisë në mitologjinë egjiptiane.
Isis Anchalee është një grua nga San Francisco, SHBA, së cilës iu mbyll përkohësisht llogaria personale në Facebook.
Rrjeti social ka kërkuar ndjesë dhe ka shpjeguar që pezullimi ishte një gabim në procesin me të cilin zbulohen llogaritë false dhe ofensive.
Gruaja në fjalë u detyrua të dërgojë pasaportën për të vërtetuar identitetin dhe vetëm atëherë Facebook i rihapi llogarinë.
Pezullimi erdhi pas disa sinjalizimeve në Facebook dhe gabimi i rrjetit ishte që nuk qe në gjendje të kuptonte që sinjalizimet ishin fals.
Në fund, ajo nuk ka hezituar të shigjetojë edhe ndjekësit e saj në Twitter: “Unë shkruaj për ndjeshmërinë, cenueshmërinë, kapërcimin e frikës, diversitetin, etj., dhe “cicërima” ime më popullore është për bllokimin në FB”.
