Grupi i njohur britanik i muzikës pop ”Queen” do të ndalojë përdorimin e këngës së tij “We Are the Champions” (”Ne jemi kampionë”) nga kandidati republikan amerikan, Donald Trump në fushatën e tij elektorale.
“Leje për përdorimin e këngës as nuk është kërkuar dhe as nuk është dhënë”, ka njoftuar themeluesi i grupit Brian May.
“Ne e kemi ndaluar që muzika e ‘Queen’ të përdoret si vegël në fushatat politike. Muzika jonë shpreh ëndrrat dhe besimet tona, por është vetëm për ata që duan ta dëgjojnë dhe ta shijojnë”, shtoi ai.
Trump së fundmi ka përdorur këngën para fjalimit të martën në mbrëmje pas garës kryesore republikane. ”Queen” nuk është i vetmi grup i cili ankohet për përdorimin e këngëve të tij në fushatat politike të Donald Trump. Vetëm për këtë vit ka ankesa ndaj Trump nga ”Rolling Stones”, ”Aerosmith”, Adele, REM dhe Neil Young.
ma.me
