Për analistin Frrok Çupi ndarja e Partisë Demokratike është një gjë e demosdoshme, pasi sipas tij duhet të ndahen nga ‘berishizmi’ dhe Berisha.
I ftuar në emisionin ‘Sot Live në Shqipëri’ në Report Tv, analisti Çupi theksoi se Sali Berisha tashme ndodhet në hapat e fundit të veprimeve të tij, ndërsa e cilësoi atë si të paligjshëm.
“Ka ardhur momenti kur Berisha ndodhet në hapat e fundit të veprimeve të tij. PD duhet domosdoshmëritë të jetë e ndarë. Deri më sot ka një ndarje, por papritur njerëz nga grupimi i Berishë s’mund të kapërcejnë lumin dhe të shkojnë tek PD legale. A duhet të ndahen.
Ndarja në PD duhet të jetë diçka e domosdoshme. Duhet të ndahen nga Berisha dhe berishizmi, ky është mision që ka sot. Me siguri ky është moment që është i fundit.
Berisha mbetet pas dhe mbetet i paligjshëm siç i ka të gjithë vepra e tij. Ndarje PD-së përveçse është realitet, është domosdoshmëri”– u shpreh Çupi.
Çupi është i bindur në fjalën e tij se qeverisjet e PD-së kanë qenë një e keqe për vendin.
“Unë jam një nga themeluesit të PD-së, por kjo është një kujtesë. Ne flasim për PD-në sot dhe në gjithë analizën time prej kohësh ka ardhur pamja që e mira e vendit që është që PD të pjesëtohet sa më shumë.
Pjesëtimi i PD-së do të thotë që të zvogëlohet e keqja. Qeverisjet e PD-së kanë qenë një e keqe për vendi, kanë shkaktuar luftë civile, e kanë djegur vendin.
E keqja shkoi deri në groposjen e vlerave monetare. Qindra njerëz kanë vrarë vetën në rastin e primidave financiare në 97″, shtoi analisti.
/a.r
