Amnisti e këndshme e qeverisë së Kosovës për qytetarët e saj. Sipas saj, Qeveria e Kosovës i ka dhënë dritën jeshile Projektligjit për faljen e borxheve publike, të cilat arrijnë në rreth 680 milionë euro.
Kryeministri Isa Mustafa theksoi se kjo iniciativë e trajtuar nga Qeveria është një veprim shumë i arsyeshëm, e cila nuk ka për qëllim të amnistojë ata që nuk i kanë përmbush obligimet, qoftë obligime tatimore, qoftë obligimet për shërbimet publike, por në rend të parë ka të bëjë me politikat e Qeverisë, në mënyrë që të pastrohen llogaritë e kompanive publike dhe llogaritë e buxhetit dhe të mos mbahen evidenca e kërkesa të cilat janë të kontestueshme dhe janë të pa arkëtueshme për një periudhë të gjatë kohore.
