Lojtarëve të Serbisë thuhet se u është ofruar 1 milion euro për të mundur Portugalinë në përballjen e tyre në Kupën e Botës ditën e sotme.
Rivalët e Grupit A janë të barabartë në pikë me Portugalinë përpara Serbisë në diferencë golash dhe Cristiano Ronaldo e ‘kompani’ e dinë se një barazim në Lisbonë do të mjaftojë për të siguruar vendin e tyre në Katar dimrin e ardhshëm.
Por sipas Cabine Desportiva, skuadra serbe u njoftua në fluturimin e tyre për në Portugali se ata do të shpërblehen me një bonus prej 1 milion euro nëse mund të fitojnë.
Pretendohet se presidenti i Federatës Serbe ndërmjetësoi marrëveshjen me qeverinë e vendit.
Cristiano Ronaldo do të jetë i etur për të mposhtur serbët pas një barazimi të diskutueshëm 2-2 kur palët u takuan në Beograd në mars.
Kapiteni i Portugalisë mendoi se kishte shënuar një gol fitues në minutën e fundit për skuadrën e tij atë natë, por gjyqtari anësor vendosi që topi nuk kishte kaluar vijën dhe nuk kishte teknologji të portës për të verifikuar golin.
/b.h
