Gjatë mbledhjes së grupit parlamentar socialist, sot Edi Rama foli edhe për taksat. Ai u shpreh se nuk do të ketë rritje taksash për 97% të popullsisë, ndërsa paralajmëroi se beteja kundër duhanit do të vijojë me një akcizë të re.
“Do të ndryshojë akciza e cigares. Beteja jonë kundër duhanit do të vazhdojë. Ndryshimi do të jetë ndryshim”, u shpreh sot Rama, megjithëse nga Ministria e Financave nuk ka ende një projekt për këtë çështje.
“Nuk ka rritje taksash për 97 përqindjen e popullsisë. Nuk ka rritje as për kompanitë. Përjashtim nga taksat i hoteleve që do të ndërtohen nga 4-5 yje, nuk do të kenë taksë tatim-fitimi për 10 vite që nga dita e funksionimit të tyre. Nuk do kenë taksë infrastrukturë, por do paguajë taksën e TVSH, duke e bërë Shqipërinë një nga vendet me TVSH më të ulët. Do ketë një ulje të TVSH në sektorin e informacionit. Dhe përjashtim nga TVSH i 52 pajisjeve të peshkimit. Një kërkesë e kahershme e industrisë së peshkimit”, tha ndër të tjera Rama
a.ç
