Qeveria e Kosovës mund të vendosë masa të reciprocitetit kundër Serbisë deri në gjysmën e parë të muajit mars, shkruan “Koha Ditore”. Janë dy barriera që Qeveria e Kosovës ka arritur t’i argumentojë dhe për të njëjtat do të diskutojë në Bruksel më 3 mars në kuadër të CEFTA-s. Barriera e parë ka të bëjë me telashet që kanë pasur importuesit e naftës, dhe e dyta barrierat që ka pasur prodhuesi i lëngjeve “Fluidi” gjatë eksportit për në Serbi. Sytrime Dervisholli, drejtoreshë e Departamentit për tregti në MTI, thotë se kanë arritur të argumentojnë këto barriera të cilat i kanë ngritur në raport me Serbinë.
