Kjo lëvizje e fundit përforcon idenë e një marrëveshjeje mes Lega Nord dhe Lëvizjes 5 yje në prag të raundit të dytë të bisedimeve në Quirinal për formimin e qeverisë së re. Dy liderët e dy forcave politike kreu i Legas Matteo Salvini dhe ai i 5 yjeve Luigi Di Maio, kanë zhvilluar sot një bisedë telefonike ku kanë arritur në konkluzionin e përbashkët të krijimi të Komisionit Special me në krye deputetin e Legas Nikola Molteni.
Kjo gjë është bërë e ditur nga deklarata e përbashkët mediatike mes këtyre dy forcave politike që informojnë se kanë arritur së bashku një marrrëveshje për të kthyer sa më shpejt të mundur operative punën e parlamentit të legjislaturës së re.
Menjëherë pas konfirmimit të marrëveshjes Salvini, përsëriti se forcat e qendrës do të shkojnë deri në Kuirinale së bashku. “Sot kam thirrur Di Maio për të përshpejtuar punën e Kongresit dhe Senatit. Nesër ne do të shkojmë një qendër-bashkuar tek presidenti Mattarella“.
Mediat italiane raportojnë se ky komison special parlamentar është një organizëm i përkohshëm institucional i cili operon në kushtet e mungesës së komisoneve të përhershme që ngrihen zakonisht pas formimit të qeverisë.
Puna e këtij komisioni do të vazhdojë deri në nisjen e punës së qeverisë së re. Çdo forcë parlamentare ka përfaqësuesit e saj në këtë komision në varësi të rezultatit të votimit të 4 marsit.
Po gjatë ditës së sotme lideri i Partisë Lidhja Matteo Salvini ka deklaruar se “koalicioni i qëndrës së djathtë ku ai bën pjesë duhet të dialogojnë me forcën e dytë fituese, që sipas tij është Lëvizja 5 Yje e që kjo nga ana e saj duhet të arsyetojë. Të gjithë duhet përgjegjësohemi me një program të përbashkët duke i dhënë kështu udhë nisjes së punës së një qeverie të re”, tha ai.
Marrëveshja e përbashkët e arritur sot mes Lëvizjes 5 Yje e Partisë Lidhja konsiderohet nga analistët e politikës italiane si një hap para drejt një qeveri koalicioni mes tyre.
ma.me
