Qeveria e Serbisë i ka kërcënuar të gjithë investitorët potencialë për Brezovicën, shkruan Koha Ditore.Marko Gjuriq, drejtor i Zyrës për Kosovë, iu ka dërguar letër kërcënuese kompanive që me gjasa mund të përfshihen në konsorciumin për Brezovicën.
Në letrën dërguar investitorëve, Gjuriq ka thënë se pronat në Brezovicë i takojnë Serbisë dhe se ata do të përballen me padi dhe gjyqe në rast se vendosin të përfshihen në projektin e Brezovicës.
Letra e Gjuriqit ka mbërritur tek të gjitha kompanitë të cilat janë zotuar të investojnë mjetet e tyre në projektin e Brezovicës, shprehet Koha. (b.an)
