Ministri i Financave Arben Ahmetaj dhe përfaqësuesja e FMN, Anita Tuladhar, në një konferencë për shtyp diskutuan mbi konkluzionet e Programit me Fondit Monetar Ndërkombëtar. Tuladhar tha se, në fokus të FMN është buxheti 2017.
“Dua të filloj fjalën time duke ju shpjeguar diçka që, misioni i FMN është ndryshe nga misionet e tjera. Mbyllet në shkurt të vitit tjetër. Vizita e parë është kjo e sotmja dhe vizita tjetër do jetë kur vlerësimi ynë t’i paraqitet bordit të FMN. Buxheti 2017, këtu është fokusuar FMN. Me kënaqësi ju them se misioni i FMN ka arritur një marrëveshje me Shqipërinë lidhur me buxhetin 2017 dhe politikat bazë”.
Tuladhar tha se buxheti 2017 ka në synim arritjen e një suficiti primar ndërsa vuri në dukje se qeveria është e angazhuar për një paketë fiskale.
“Qeveria do të realizojë dhe kursime permantente nga buxheti 2016 dhe buxhet mundëson rritje të moderuar në sektorin publik duke iu qëndruar buxhetit të vitit 2016.
Gjithashtu ai mundëson dhe rritje të buxheteve, krahas aprovimit të buxhetit dhe paketës fiskale, qeveria është angazhuar dhe për masa paraprake, dhe për detyrime të prapambetura dhe për të fuqizuar tatimin mbi pronën. Këto janë parametrat e buxhetit në vija të përgjithshme të evidentuara nga ekipi i FMN”.
Ahmetaj
Nga ana e tij, edhe Ministri i Financave Arben Ahmetaj foli për konkluzionet e rishikimit të programit me FMN. Ahmetaj tha se programi me FMN është në vazhdim, duke theksuar se ky është vitit i tretë që ka përshpejtim të rritjes ekonomike. Sipas tij, rigjallërimi i ekonomisë do të ulë papunësinë.
“Janë marrë një sërë masash për stabilizimin e sektorit financiar. Në bashkëpunim me FMN ne kemi eliminuar pengesa të tjera të rëndësishme dhe po zbatojmë politika që do të japin impakt në vend. Në ditët në vijim do të kemi një takim specifik të buxhetit. Ne mbetemi të vendosur për të gjallëruar ekonominë”, deklaroi Ahmetaj.
ma.me
