Kryetari i Grupit Parlamentar të Parlamentar të PS, Taulant Balla deklaron se qesharakët e SHQUP-it vazhdojnë të jenë kundër vendimit historik dhe pa kthim të hapjes së listave për Zgjedhjet e 25 Prillit 2021.
Përmes një postimi në facebook, Balla thekson se të vazhdosh të jesh kundër listave të hapura, do të thotë të mos kesh besim te populli yt.
“Uroj gjithashtu që LBPD mos të ketë rifilluar me gazat e vet ndërtimin e alibive të radhës për t’ju shmangur zgjedhjeve, siç bëri një vit më parë”, përfundon Balla.
Postimi i plotë:
Qesharakët e SHQUP-it vazhdojnë të jenë kundër vendimit historik dhe pa kthim të hapjes së listave për Zgjedhjet e 25 Prillit 2021. Prej kohësh LBPD kanë zgjedhur të jenë në anën e gabuar të historisë dhe kundër popullit të vet.
Të vazhdosh të jesh kundër listave të hapura, do të thotë të mos kesh besim te populli yt dhe të tregosh se nuk e meriton besimin e tij për sa kohë nuk je në gjendje t’i japësh mundësinë që të bëjë zgjedhjen e vet, jo vetëm për partinë, por edhe për kandidatin që do.
Megjithatë LISTAT JANË HAPUR dhe shpresa qesharake e këtij juristit të Lulit se ndryshimet kushtetuese nuk do të implementohen në Kodin Zgjedhor, uroj të jetë thjeshtë një 7×7=42 tjetër.
Uroj gjithashtu që LBPD mos të ketë rifilluar me gazat e vet ndërtimin e alibive të radhës për t’ju shmangur zgjedhjeve, siç bëri një vit më parë.
g.kosovari
