Dueli i peshës së rëndë në boks mes boksierit britanik Tyson Fury dhe atij suedez Otto Wallin, zhvilluar 10 ditë më parë në Las Vegas, ka shitur vetëm 3,577 bileta. Një shifër qesharake kur mendon se në ring është ngjitur një ish-kampion bote, që rrezikoi ta humbiste atë sfidë.
Ndërkohë, dueli u zhvillua në “T-Mobile Arena”, që ka një kapacitet prej 20 mijë vendesh. Organizatorët bënë me dije se duke parë numrin e vogël të biletave të shitura, vendosën të japin bileta falas, duke bërë që pjesëmarrja të arrijë në shifrën e 7.475 fansave në stadium.
Pra, 3,898 bileta janë dhënë falas për persona të rastësishëm. Kjo tregon se sfida mes Fury dhe wallin ishte një dështim si për boksierin britanik ashtu dhe organizatorët. Në këtë stadium, në maj u zhvillua dueli mes Canelo Alvarez dhe Danny Jacobs, ku u shitën 16,758 bileta.
/a.r
