Në vijim të punës për parandalimin, evidentimin dhe goditjen e veprimtarisë kriminale në fushën e prodhimit dhe shitjes së narkotikëve, bazuar dhe në informacionet e marra në rrugë operative se dy shtetas po transportonin lëndë narkotike me automjetin e tyre, në aksin e vjetër rrugor Lezhë – Milot, policia e Lezhës ka ndaluar automjetin e dyshuar tip “Mitsubish” për kontroll, në fshatin Pllanë, Lezhë.
Si rezultat i kontrollit, brenda mjetit me drejtues Ardit Markun dhe pasagjer Emiljan Gegën, u gjetën 3 thasë plastmasi ngjyrë e zezë, të mbushura me material bimor të dyshuar lëndë narkotike.
Pas peshimit total të tyre rezultoi 26 kilogramë pesha e tyre.
Në vijim të operacionit, u bë arrestimi në flagrancë i shtetasve 26 vjeçarit Marku banues në Kurbin dhe 22 vjeçarit Gega banues në Kurbin, për veprat penale “Prodhimi dhe shitja e lëndëve narkotike”, kryer në bashkëpunim.
Në cilësinë e provës materiale u sekuestruan lënda e dyshuar narkotike, automjeti dhe 2 aparatet celularë. Nën drejtimin e Prokurorisë, vijon puna për identifikimin dhe kapjen e personave të tjerë të përfshirë në këtë veprimtari kriminale. Materialet iu referuan Prokurorisë së Rrethit Gjyqësor Kurbin, për veprime mëtejshme.
g.kosovari
