Komisioneri Europian, Oliver Varhelyi, pas takimit me liderit e Ballkanit Perëndimor në konferencën e përbashkët me kryeministrin Rama është shprehur se qershori dhe i gjithë viti mund të quhet koha e Ballkanit Perëndimor.
Ndër të tjera ai ka bërë me dije se në këtë takim është diskutuar në lidhje me mundësinë e kalimit lirshëm mes 6 vendeve të Ballkanit Perëndimor si një mundësi për të eleminuar në maksimum vështirësinë e lëvizjes së qytetarëve dhe të mallrave.
“Jam i kënaqur që shikoj se ky do të jetë fillimi i fundit të krizës së pandemisë Covid 19 dhe do të fillojmë të rikthehemi në normalitet në punë dhe në takime të rëndësishme për të shtyrë para agjendën e Ballkanit Perëndimor. Ky takim kishte të bënte me një nismë të tillë dhe kjo nuk bëhet vetëm nga komisioni evropian por dhe nga liderër e Ballkanit Perëndimor dhe ne kemi parë seriozitetin e këtij takimi për të parë përparësitë që janë bërë. Akoma ka shumë për të bërë por urojmë që të arrijmë aty ku duhet deri në korrik kur kemi dhe Samitin e radhës. Marrëveshje pa tarifa roming në të gjithë Ballkanin perëndimor. Do të ketë gjëra të mëdha siç është kalimi i qytetarëve me letër njoftim, njohja e diplomave, dhe nevoja për leje për punë dhe tregtia online do të japë më shumë mundësi për zhvillimin e Ballkanit perëndimor. Që në vjeshtë ne kemi një program ekonomik që parashiko 1/3 e PPP për të çuar përpara investimit. Nuk ka kuptim që të kuptohet për këto projekte nëse do të ketë vështirësi për vendet e rajonit, ska kuptim të ketë leje të veçanta në vende të ndryshme.
Javën e shkuar kemi arritur një marrëveshje IPA 3 asistenca para aderimit një mekanizëm që do të financojë këtë plan. Ne duam që dhe partnerët në Ballkanin perëndimor të vijojnë me këtë plan. Ne po hyjmë në muajin qershor një muaj kritik për BE ne duam që të organizohen konferencat ndërqeveritare me Malin e Zi dhe Serbinë, po ashtu të zhvillohen konferencat e para për Shqipërinë dhe Maqedoninë. Ky do të jetë muaji dhe viti i Ballkanit Perëndimor”, ka thënë ai.
/b.h
