“Qëndrimet e Guvernatores Yuri Kim janë të diktuara totalisht nga lobime korruptive”. Kështu u shpreh ish-kryeministri Sali Berisha në Syri Tv, i pyetur për deklaratën e sotme të ambasadores së SHBA, deklaratë e cila është ndërhyrje në zgjedhjet e 6 marsit.
Kim, tha Berisha, shkelmoi në mënyrë vulgare Konventën e Vjenës për zgjedhjet e lira dhe të ndershme si dhe sovranitetin e vendit, ndërsa shtoi se ajo po tenton të dëmtojë imazhin e SHBA-së te shqiptarët.
“Unë besoj se Amerika në thelbin e saj është ajo që thotë, deklaroi James Becker në vizitën historike. Kurse qëndrimet e Guvernatores Kim, s’kanë asgjë të përbashkët me parimet mbi të cilat ndërtohet një sistem demokratik, Kushtetuta e SHBA, Kushtetuta e Shqipërisë. Janë të diktuara totalisht nga lobime korruptive. Ajo siç është thënë edhe në deklaratën e Komisionit, sillet tërësisht si një Sekretare Ideologjike e PS.
E kapur padiskutim nga Edi Rama dhe George Soros. I lejon vetes të shkelmojë Konventën e Vjenës, parimet e zgjedhjeve të ndershme dhe të lira, të shkelmojë në mënyrë vulgare sovranitetin e një vendi, në të cilin qytearët e saj duhet të vendosin me votën e lirë. Nuk ka mbetur njeri në Shqipëri që nuk e di se ajo është tërësisht e kapur nga narkoqeveria e Edi Ramës dhe me veprimtarinë e saj, ajo më shumë se me çdo gjë tjetër dëmton me qëllim apo pa qëllim imazhin e vendit të vet”, u shpreh Berisha.
/b.h
