Një grup njerëzish në një qendër largimi të imigracionit në perëndim të Londrës shkaktuan një “rrëmujë” të premten mbrëma pas një ndërprerjeje të energjisë.
Lajmin e bëri të ditur Zyra e Brendshme, e cila tha se fatmirësisht askush nuk u lëndua gjatë incidentit në qendrën e paraburgimit në Harmondsworth pranë aeroportit Heathrow.
Gjithçka ndodhi pas shkëputjes së energjisë elektrike, pak para orës 9 të mëngjesit të së shtunës, tha departamenti.
Sipas raportimeve, një grup të arrestuarish lanë dhomat e tyre dhe dolën në oborr të armatosur me armë të ndryshme.
Në vendngjarje u ndodhën shërbimet e policisë, zjarrfikësve dhe burgut HM.
Një zëdhënës i Zyrës së Brendshme shtoi: “Ka pasur një ndërprerje të energjisë në qendrën e largimit të imigracionit në Harmondsëorth dhe aktualisht po punohet për të zgjidhur këtë çështje.
“Ne jemi të vetëdijshëm për një shqetësim në qendër dhe autoritetet përkatëse janë njoftuar dhe janë në vendngjarje”, tha ai.
“Mirëqenia dhe siguria e stafit dhe individëve të ndaluar në Harmondsworth është prioriteti ynë kryesor”, përfundoi ai.
Në një deklaratë, Mitie, e cila drejton vendin, bëri sërish me dije se gjithçka ndodhi pas ndërprerjes së energjisë.
Ai tha: “Ne jemi duke punuar ngushtë me Zyrën e Brendshme për të garantuar sigurinë e atyre që janë në kujdesin tonë ndërsa puna kryhet në vend për të zgjidhur çështjen.”/m.j
