Banorët e Alliasit në kryeqytet do të marrin shërbimin shëndetësor parësor më pranë zonës së tyre të banimit. Falë projektit të mbështetur nga “Save dhe Children”, në partneritet të ngushtë me Ministrinë e Shëndetësisë dhe Bashkia e Tiranës, u bë e mundur ngritja qendrës së re shëndetësore në këtë zonë. Të pranishëm në ceremoninë e përurimit dhe nisjes së ofrimit të shërbimit shëndetësor në këtë QSH të re, ishte Ministri i Shëndetësisë, Ilir Beqaj, nënkryetari i Bashkisë së Tiranës, Arbjan Mazniku, si dhe Drejtori Ekzekutiv i “Save the Children” Zvicër, Omer Guven.
Ministri i Shëndetësisë, Ilir Beqaj, gjatë fjalës së tij pohoi se përveç reformave të ndërmarra në shëndetësi, dhe pikërisht në shërbimin Parësor ku vizita tek mjeku i familjes është falas, apo vitin e ardhshëm kur barnat me rimbursim do të ofrohen edhe për 600 mijë pacientët e pasiguruar, një tjetër shërbim për pacientët është edhe ofrimi i shërbimit sa më pranë zonave të tyre të banimit. Kjo qendër e ndërtuar do të jetë në funksion të rreth 10.000 banorëve në zonën e Alliasit, ku 2500 prej tyre janë fëmijë të grupmoshës 0-14 vjeç.
ma.me
