Një nuse indiane që ka qëlluar me armë në dasmën e saj është shpallur në kërkim nga Policia. Ngjarja ka ndodhur në shtetin verior indian të Uttar Pradesh.
Një video e bërë publike në rrjetet sociale tregoi gruan duke qëlluar 4 herë në ajër ndërsa ishte ulur pranë bashkëshortit të saj në dasmë.
Në njoftimin zyrtar, Policia tha se gruaja ishte zhdukur që nga ngjarja, ndërsa vijojnë kërkimet për gjetjen e saj.
Të shtënat me armë gjatë dasmave janë të zakonshme në disa shtete veriore të Indisë dhe shpesh shkaktojnë lëndime dhe madje edhe vdekje aksidentale.
Sipas ligjit indian, kushdo që përdor një armë zjarri në mënyrë të nxituar ose të pakujdesshme ose në mënyrë festive duke vënë të tjerët në rrezik, mund të përballet me një dënim me burg ose gjobë ose të dyja.
Sipas gazetës Times of India, videoja e nuses është regjistruar nga një i afërm, i cili e ka postuar edhe në rrjetet sociale. Policia tha për gazetën indiane se gruaja ishte arratisur sepse ka frikë nga arrestimi.
/a.r
#WATCH | Bride fires in air during wedding in UP’s Hathras, flees after case filed
(Video credit: Sumit Sharma) pic.twitter.com/fJ6S7WrAko
— TOIWestUP (@TOIWestUP) April 10, 2023
