Kandidati republikan për president të Shteteve të Bashkuara, Donald Trump, është larguar i gjakosur nga podiumi ku po mbante një fjalim gjatë një mitingu elektoral në Pensilvani.
Foto e siguruar nga CNN shfaq Trump të gjakosur. Sipas raportimeve janë dëgjuar zhurma të shtënash me armë para se Trump të binte në tokë. Më pas ai është ngritur nga efektivët e Shërbimit Sekret dhe është larguar nga podiumi.
Shërbimi Sekret tha në një deklaratë paraprake se Trump është i sigurt tani dhe se incidenti po hetohet prej tyre.
Zëdhënësi i ish-presidentit, Steven Cheung, tha për mediat se Trump po kontrollohet në një spital lokal dhe falënderoi forcat e rendit për ndërhyrjen e shpejtë.
***
Vritet atentatori i Donald Trump, të paktën 1 i vdekur mes pjesëmarrësve në miting
Të paktën dy persona mësohet se kanë vdekur pas incidentit me armë në mitingun e Donald Trump në Pensilvani.
Një prokuror lokal tha për CNN se njëri prej viktimave ishte personi që kishte qëlluar me armë në drejtim të ish-presidentit amerikan pasi ai u ngjit në podium për të mbajtur fjalën e tij. Atentatori u vra nga efektivët e Shërbimit Sekret.
Viktima tjetër është një person, pjesë e publikut në miting, por raportohet edhe për një tjetër person në gjendje të rëndë.
Ndërkohë kandidati republikan për në Senat, Dave McCormick, raportohet nga CNN të ketë thënë se ishte në rresht të parë të publikut në miting dhe ka parë disa persona të plagosur.
Ngjarja po hetohet si vrasje e mbetur në tentativë.
***
Të shtëna me armë në mitingun e Trump, kandidati për president largohet i gjakosur nga podiumi
Kandidati republikan për president të Shteteve të Bashkuara, Donald Trump, është larguar i gjakosur nga podiumi ku po mbante një fjalim gjatë një mitingu elektoral në Pensilvani.
Foto e siguruar nga CNN shfaq Trump të gjakosur. Sipas raportimeve janë dëgjuar zhurma të shtënash me armë para se Trump të binte në tokë. Më pas ai është ngritur nga efektivët e Shërbimit Sekret dhe është larguar nga podiumi.
Shërbimi Sekret tha në një deklaratë paraprake se Trump është i sigurt tani dhe se incidenti po hetohet prej tyre.
Zëdhënësi i ish-presidentit, Steven Cheung, tha për mediat se Trump po kontrollohet në një spital lokal dhe falënderoi forcat e rendit për ndërhyrjen e shpejtë.
