Tre persona janë vënë në pranga nga policia e Kavajës, njëri prej tyre për shkak se qarkullonte me armë zjarri pa leje në qytet, ndërsa vëllai dhe kushëriri i poseduesit të armës për veprën penale “Veprime që pengojnë zbulimin e të vërtetës”.
Jurgen Merkja, 21 vjeç banues në Kavajë, Emiljano Merkja, 32 vjeç banues në Kavajë (vëllai i Jurgenit) dhe Besim Merkja, 23 vjeç, banues në Kavajë (djal xhaxhai me dy shtetasit e mësipërm) janë vënë në pranga pasi në shëtitoren “Josif Budo “, gjatë kontrollit të ushtruar në mjetin tip “BMV” me drejtues shtetasin Jurgen M., dhe pasagjar shtetasit, Emiljano M., dhe B M., (vëllai dhe djali i xhaxhait të J. M.), u gjet dhe bllokua një armë zjarri e cila posedohej nga shtetasi Jurgen M., ndërkohë që dy shtetasit e tjerë (Emiljano M., dhe Besim M.,) janë munduar para shërbimeve të Policisë të merrnin përsipër posedimin e armës.
Janë sekuestruar në cilësinë e provës materiale: armë zjarri tip “Pistoletë” me një krehër me 10 fishekë, 4 aparate celular, mjeti tip “BMV”.
Materialet iu referuan Prokurorisë së Rrethit Gjyqësor Kavajë për veprën penale “Prodhim dhe mbajtja pa leje e armëve dhe municionit luftarak” parashikuar nga neni 278 në ngarkim të shtetasit J. M., dhe për veprën penale “Veprime që pengojnë zbulimin e të vërtetës” parashikuar nga neni 301 i Kodit Penal në ngarkim të shtetasve E. M., dhe F. M.
a.ç
