Ministri i Turizmit dhe Mjedisit, Blendi Klosi i ka tërhequr vëmendjen bashkive sa i takon administrimit të pyjeve. Në një interpelancë me grupin e interesit dhe ekspertë të fushës, Klosi tha se pyjet sot shikohen si akses për dru ngrohje.
Sipas tij, kjo gjë duhet të ndryshojë dhe sipas ligjit të ri bashkitë duhet të kenë një plan për menaxhimin e pyllit duke përdorur atë si një pasuri kombëtare që duhet të sjellë përfitime ekonomike.
“Ajo që kërkohet është që të kemi një mirëqeverisje të pasurisë natyrore, të kemi një ndarje të kompetencave mes pushteti qendror dhe lokal.
Të kemi një miradministrim nga pikëpamja shkencore. Të kemi mundësi që atë që kemi bërë gjithë këto vite, inventarizimin e sipërfaqeve pyjore ta administrojmë në mënyrë të duhur dhe bashkitë të jenë me kompetenca të plotë në trajtimin dhe mbrojtën e pyjeve, administrimin, por edhe ta ndjenjën pyllin si pronë. Një pronë si pasuri të hipotekuar në vartësi të bashkive. Të mos jetë vetëm një sipërfaqe e bukur, por edhe prodhuese.
Të administrohet pylli si një e ardhur e rëndësishme e bashkive. Sot kjo pasuri shikohet vetëm si një akses për të prodhuar drutë për ngrohen e popullatës.
Ndërkohë që Ligi i ri kërkon që bashkitë si pronare të pyjeve, jo vetëm të shikojnë për këtë aspekt, por shumë më shumë se kaq. Është një pasur e madhe që ne nuk e shfrytëzojmë”, tha ministri Klosi.
Sipas Klosit, pyjet është një nga kapitujt e rëndësishëm të procesit të integrimit.
“Pyjet si një aset i rëndësishëm kombëtar do të duhet të jenë shumë më tepër në raport me investimet e donatorëve të ndryshëm në vendin tonë.
Mbi të gjitha është një aset evropian dhe duhet të kemi politika edhe në kuadër të përafrimit të legjislacionit.
Kapitulli i pyjeve është shumë i rëndësishëm, pasi janë pyje si për një vend evropian, ashtu edhe për një vend kandidat”, u shpreh Klosi.
g.kosovari
