Lulzim Basha as sot nuk është përgjigjur para qytetarëve për vilën super luksoze ku ai jeton.
Basha pas takimit me disa të rinj në Korçë, duke iu fshehur përgjigjeve reale u hodh në sulm duke u shprehur se: “Nuk ka gënjeshtër që mund të më heqë nga detyra ime. Gënjeshtrat kundër meje dhe familjes time janë një përpjekje cinike e Edi Ramës për të hequr vëmendjen nga lista e gjatë e dështimeve dhe e skandaleve të tij. Prandaj, nuk bëhem pjesë e kësaj loje”.
Por Lulzim Basha vazhdon të mos iu përgjigjet pyetjeve që sqarojnë këtë histori, që më pas të ketë edhe moral të flasë për hallet e shqiptarëve.
A iu thotë dot sot Lulzim Basha shqiptarëve: Pse ka shkuar në vilë? Nëse ka shkuar për shkak të tërmetit, pse nuk ka deklaruar dëmtime si cdo qytetar? Pse nuk ka kërkuar leje për punime në apartament? (sipas dokumenteve pallati i Bashës nuk ka asnjë dëmtim).
A ka kontratë qiraje për vilën superluksoze? Nëse po, sa paguan në muaj? Cila është lidhja me pronaren të cilës ja ka marrë me qira? Apo ky është truku për të mos e deklaruar si të tijën vilën?
Pasi t’u përgjigjet këtyre pyetjeve, Lulzim Basha mund t’ju bëjë moral shqiptarëve.
