Media britanike, “Daily Star” i ka kushtuar një artikull presidentit rus, Vladimir Putin ku duke u mbështetur në teoritë konspirative, thuhet se ai është vrarë nga një komplot i CIA-s ne vitin 2014, ndërsa në Rusi po qeveris sozia e tij. “Putin nuk është ai që ne të gjithë mendojmë se është, pasi ai është vrarë në vitin 2014. Që prej këtij viti në Rusi po qeveris sozia e tij”- thuhet në artikull, duke u bazuar tek teoritë konspirative.
Teoricienë të ndryshëm pretendojnë se ka ndryshime të mëdha në pamjen e Putinit dhe mospërputhje të dukshme në aftësinë e tij për të folur gjermanisht dhe një divorc nga gruaja e tij, janë të gjitha “prova” që Presidenti Rus nuk është i vërtetë.
Pretendimet kanë qarkulluar online, ku pohohet se Putin aktual është një sozi nën kontrollin e CIA-s. Dyshohet se Putin mund të jetë helmuar në sallat e Kremlinit, pas aneksimit të Krimesë në vitin 2014.
Ndërsa teori të tjera thonë se ai u zëvendësua në heshtje në një grusht shteti të fshehtë në vitin 2015. Disa imazhe të publikuara në vitin 2014 kanë treguar se Putin është shfaqur duke përdorur një përkthyes, në një konferencë shtypi me kancelaren gjermane Angela Merkel edhe pse ai di perfekt gjermanisht.
Ka edhe teori të tjera konspirative të cilat thonë se Presidenti i Rusisë, mund të ketë bërë kirurgji plastike, por teoricienët e konspiracionit thonë se kjo mund të jetë vetëm një mbulesë.
Ndërkohë vlen të theksojmë se gjatë një interviste për “The Guardian” pak kohë më parë në lidhje me vrasjen e tij, Putin ka thënsë se “Jeta do të ishte e mërzitshme pa thashetheme”, ndërsa Kremlini gjatë vitit 2016 ka thënë se këto janë si përgjigje e perëndimit për situatën ndërkombëtare, ndërsa synojnë të dobësojnë rolin e Rusisë./dita/a.k
