Moska kundër BE në Sputnik. Putini do të vaksinohet nesër dhe nderkohe sulmon Evropen e Bashkuar: “Deklaratat nga zyrtarët e BE, se Sputnik V nuk është i nevojshëm, mund të tregojnë një gatishmëri për të mbrojtur interesat e disa ndërmarrjeve, në vend të njerëzve” tha Vladimir Putin gjatë një takimi me përfaqësuesit e industrisë farmaceutike ruse.
Putin më pas konfirmoi se planifikon të vaksinohet kundër koronavirusit nesër. “Procesi i miratimit të vaksinës ruse Sputnik V në Evropë është i politizuar, vaksina po përballet me një fushatë dezinformimi dhe diskriminimi”, denoncoi Zëvendës Ministri i Jashtëm rus Alexander Grushko, pasi Thierry Breton, komisioneri evropian i ngarkuar me fushatën anticovid tha se BE “absolutisht nuk ka nevojë për Sputnik V”.
Nga ana e tij, Fondi Rus i Investimeve Direkte (Rdif, huadhënës dhe shpërndarës i Sputnik V) akuzoi Breton për “paragjykim”, në disa postime në profilet e tij sociale. Ekspertët e EMA do të jenë në Rusi në 10 Prill per te vleresuar vaksinen Sputnik V.
