Forcat ruse kanë goditur disa zona të banuara në pjesën jugore të Ukrainës gjatë natës, sipas Vitaliy Kim, guvernator i Mykolaiv.
Nëpërmjet një postimi në Telegram , ai tha se bombardimet ruse kanë shkatërruar shtëpi, tre spitale, dy institucione arsimore, një hotel dhe një muze në zonë.
Kim tha se objektivat përfshinin një shtëpi private të shkatërruar nga një raketë në fshatin Vysunsk, Bereznehuvate, ku një fëmijë raportohet se ka vdekur ndërsa tre të tjerë kanë lëndime nga predha, raporton The Guardian.
Ai tha se qyteti i Mykolaiv-it iu nënshtrua një “sulmi masiv me raketa” gjatë natës nga e shtuna në mëngjes, me shumë ndërtesa komunale të dëmtuara dhe një person të raportuar si të plagosur deri më tani./m.j
