Ministrja e Mbrojtjes Olta Xhaçka ka reaguar pas njohjes së pavarësisë së territoreve separatiste në Donbas nga ana e Rusisë.
Xhaçka thotë se Shqipëria e dënon një veprim të tillë duke e cilësuar shkelje të së drejtës ndërkombëtare marrëveshjes së Minskut dhe shkelje të integritetit territorial.
Xhaçka shton se Shqipëria qëndron e bashkuar me partnerët dhe aleatët në mbështetje të Ukrainës.
“Shqipëria dënon njohjen pavarësisë së rajoneve ukrainase Donetsk & Luhansk nga Rusia. Kjo është shkelje e së drejtës ndërkombëtare, marrëveshjes së Minskut si dhe shkelje e integritetit dhe sovranitetit territorial! Shqipëria qëndron e bashkuar me partnerët dhe aleatët në mbështetje të Ukrainës”, shkruan ajo.
/b.h
