Rusia mund të ketë anuluar stërvitjet ushtarake ZAPAD 23 që pritej të zhvilloheshin në shtator, njoftoi sot Ministria Britanike e Mbrojtjes.
Rusia besohet se i ka anuluar stërvitjet për shkak të mungesës së trupave dhe pajisjeve, tha Ministria Britanike e Mbrojtjes.
Stërvitjet ushtarake “ZAPAD-21” u mbajtën dy vjet më parë në rajonet perëndimore të Rusisë dhe Bjellorusisë, duke përfshirë zonat pranë kufirit me Bashkimin Evropian, duke shkaktuar shqetësim në Ukrainë dhe disa vende të NATO-s.
Që nga viti 2010, Rusia ka pasur një cikël katërvjeçar të stërvitjeve ushtarake të alternuara në të gjithë vendin, raporton shërbimi rus i BBC-së, duke vënë në dukje se stërvitjet e mbajtura në vitin 2021 ishin më të mëdhatë në dekada./m.j
