Presidenti rus, Vladimir Putin, deklaroi se ndjekja penale e ish-presidentit të SHBA-së, Donald Trump, ishte e motivuar politikisht dhe nxori në pah “kalbësinë” e sistemit politik të SHBA-së.
Gjatë një forumi në qytetin lindor të Rusisë, Vladivostok, kreu i Kremlinit tha se ajo që po ndodhte me Trump ishte e mirë nga këndvështrimi i Rusisë. Sipas tij, ajo që po i ndodh Trump është persekutim i motivuar politik i rivalit të dikujt politik
Ai i quajti marrëzi të plotë zërat se Trump kishte lidhje të veçanta me Rusinë. Sa u takon marrëdhënieve SHBA-Rusi, Putin tha se nuk ka gjasa për ndryshime të rëndësishme, pavarësisht se kush do t’i fitojë zgjedhjet e 2024-s në SHBA.
Presidenti rus duke folur për rolin që mund të luajë biznesi privat, veçoi biznesmenin miliarder Elon Musk, duke e cilësuar atë si një person të shquar dhe një biznesmen aktiv dhe të talentuar./f.s
