Presidenti rus Vladimir Putin ka shprehur vullnetin për të marrë pjesë në një samit ekonomik në Johanesburg muajin e ardhshëm, por Afrika e Jugut po përpiqet ta bindë atë të qëndrojë larg për të shmangur pasojat ligjore dhe diplomatike lidhur me urdhërarrestin e tij ndërkombëtar, tha në një intervistë sot zëvendëspresidenti afrikano-jugor.
Si nënshkruese e traktatit për themelimin e Gjykatës Ndërkombëtare Penale, Afrika e Jugut është e detyruar të arrestojë Putinin bazuar mbi një aktakuzë që gjykata lëshoi kundër liderit rus në mars për krime lufte.
Moska e ka hedhur poshtë urdhrin, ndërsa autoritetet e Afrikës së Jugut ka të ngjarë të shkelin traktatin dhe të mos arrestojnë Putinin, por disa parti opozitare, grupe të të drejtave dhe aktivistë ligjorë kanë thënë se ai duhet të arrestohet dhe kanë kërcënuar se do ta bëjnë vetë këtë.
Putin nuk ka udhëtuar ende në një vend që është nënshkrues i traktatit të gjykatës që nga lëshimi i urdhrit të arrestit kundër tij muaj më parë.
