Mercenarët e Wagner arritën në Kremlin gjatë qershorit, jo për të rrëzuar udhëheqësit, por për t’u ballafaquar me ta.
Lajmi konfirmohet nga zëdhënësi, Dmitry Peskov, që saktëson se më 29 qershor, 5 ditë pas rebelimit të armatosur, presidenti rus Vladimir Putin, u takua me 35 anëtarë të grupit Wagner dhe themeluesin e kompanisë, Yevgeny Prigozhin.
Mercenarët ishin përgjigjur duke konfirmuar besnikërinë ndaj presidentit dhe Rusisë. Më herët, ishte media franceze Liberation që raportoi diçka të tillë dhe se Prigozhin ishte në Moskë. Disa ditë më parë iu bastis dhe rezidenca në Shën Petersburg, ku policia sekuestroi shumë të mëdha parash, lingota ari, paruke dhe armë.
Gerasimov mendohet se është shkarkuar nga Putin, pasi bashkë me ministrin e mbrojtjes Sergej Shoigu akuzohen nga kreu i Wagner se po komplotonin për vrasjen e mercenarëve. Ndërkohë, rreziku që konflikti në Ukrainë të përshkallëzohet po hyn në një fazë delikate.
