Presidenti amerikan, Barack Obama telefonoi sot homologun e tij rus, Vladimir Putin për të biseduar mbi situatën në Siri, njoftoi sot Kremlini. “Dy krerët patën një gjykim pozitiv për marrëveshjen për ndërprerjen e luftimeve në Siri të vendosur gjatë konferencës së Mynihut këtë javë”, sipas një komunikate të Kremlinit, që e cilësoi këtë bisedë si të “sinqertë”. “Putin dhe Obama ranë dakord që të aktivizojnë bashkëpunimin nëpërmjet kanaleve diplomatike dhe strukturave të tjera me qëllim aplikimin e marrëveshjes së Mynihut”, theksohet në komunikatën e Kremlinit. Në përfundim të bisedimeve intensive në Mynih, SHBA-ja, Rusia dhe aleatët e tyre kryesore, jashtë palëve siriane, mbi këtë dosje kërkuan të enjten në mbrëmje një ndërprejre të luftimeve për një javë.
Putin dhe Obama zhvillojnë bisedë telefonike për çështjen siriane
