Një ditë pas tragjedisë së fundit në plazhin e Porto Novës në Zvërnec, frika ka larguar pushuesit që zgjidhnin këtë zonë të egër.
Në vijën bregdetare, ku në një muaj humbën jetën 4 persona, po patrullon edhe policia.
Në hapësirën prej 5 kilometrash, paraditen e kësaj të enjteje ndodheshin shumë pak persona. Ata thonë se tregohen të kujdesshëm pas ngjarjeve që kanë ndodhur atje.
Të vetmit që lëvizin të sigurtë në këtë zonë, ku rrymat detare janë vrasëse, janë peshkatarët.
Të mërkurën, një 10-vjeçare humbi jetën në këtë plazh, ndërsa një muaj më parë 3 të rinj nuk dolën dot, për shkak se rrymat detare dhe dallgët iu morën jetën. /tch
