Kryeministri Edi Rama paralajmëroi ndëshkim me gjobë dhe burg, pasi një person u largua nga Tirana drejt fshatit Vele në Mirditë, tek prindërit e tij, duke iu transmetuar koronavirusin.
Një çift bashkëshortësh të moshua nga fshati Vele, u raportuan si dy të infektuar në orët e fundit nga Instituti i Shëndetit Publik.
Nga hetimi epidemiologjik, rezulton se transmetuesi i Covid-19, është punonjësi i burgut “313” në Tiranë, i cili kishte udhëtuar nga kryeqyteti drejt fshatit të lindjes për Pashkët katolike.
Ai kishte shkuar për të parë prindërit por edhe për festë, dhe duke mos pasur simptoma të sëmundjes, nuk mendonte se do ua ngjiste.
Mirëpo përkeqësimi i gjendjes shëndetësore të të moshuarve ka bërë që të kryhen testimet, duke i konfirmuar që të dy të moshuarit pozitiv.
/a.r
