Një mjek i ri në Japoni u vetëvra vitin që shkoi nga orët e tepërta të punës. Dhe, tashmë familjarët e 26-vjeçarit kërkojnë që situata të ndryshojë në vendin që njihet prej kohësh për kulturën e punës së tepërt.
Takashima Shingo punonte si mjek në një spital në Kobe City kur kreu vetëvrasje majin e shkuar. Sipas mediave në vend, ai kishte punuar mbi 200 orë jashtë orarit të punës brenda një muaji, pa marrë asnjë ditë pushim.
Japonia lufton prej kohësh një kulturë të vazhdueshme të punës së tepërt. Ka punonjës në sektorë të ndryshëm që raportojnë orë ndëshkimi, presion të lartë nga mbikëqyrësit e kompanisë, sipas Ministrisë së Shëndetësisë, Punës dhe Mirëqenies.
Në një konferencë shtypi të premten e kaluar, familja e Takashima-s rrëfeu se i riu u kishte thënë se situata ishte e vështirë dhe se askush nuk ‘po e ndihmonte.
“Megjithatë, sinqerisht shpresoj që ambienti i punës për mjekët të përmirësohet në mënyrë që e njëjta histori të mos përsëritet në të ardhmen”.
/a.r
