Ditën e djeshme Autoriteti Rrugor Shqiptar njoftoi se ditën e sotme do të përfundonin punimet në aksin Maminas-Sukth-Shkozet, ndërkohë që një gjë e tillë nuk ka ndodhur duke shkaktuar rradhë të mëdha trafiku në autostradën Tiranë-Durrës.
Sakaq pas denoncimeve të shumta, ka ardhur edhe reagimi i parë nga ARRSH-ja.
Teksa kërkojnë ndjesë për shkeljen e afatit, ARRSH-ja ka njoftuar se aksi do të hapet mbrëmjen e sotme në orën 23:00, duke garantuar kalimin e sigurtë të mjeteve.
Njoftimi:
ARRSH njofton se per shkaqe te pa parashikuara permbyllja e punimeve ne aksin Maminas-Sukth-Shkozet- ka tejkaluar afatin e percaktuar.
Rrjedhimisht, nuk eshte kryer hapja e kalimit sic ishte paralajmeruar, per te garantuar kalimin e sigurte te mjeteve.
ARRSH kerkon ndjese qytetareve dhe njofton se hapja e kalimit do te realizohet sonte ora 23:00. Deri ne orarin e hapjes mjetet duhet te perdorin rruget alternative. /b.d
