Një 48-vjeçar ka rënë nga lartësia duke punuar. Ai ka marrë plagë të rënda dhe për pasojë ka ndërruar jetë në spital. Ngjarja ka ndodhur ditën e djeshme në afërsi të mbikalimit të Rinasit.
“Ditën e djeshme, në afërsi të mbikalimit të Rinasit dyshohet se aksidentalisht ka rënë nga lartësia e objektit në të cilin ishte duke punuar shtetasi Sh. D., 48 vjeç, i cili më pas ka ndërruar jetë në spital”, njoftoi policia.
Më tej thuhet se autoritetet kanë proceduar administratorin dhe inxhinierin e një firme për këtë ngjarje.
“Specialistët për Hetimin e Krimeve në Komisariatin e Policisë Nr. 6 kanë referuar materialet në Prokurori dhe filloi procedimi penal për shtetasit D. D., 41 vjeç (administrator në një firmë) dhe E. D., 34 vjeç (inxhinier në një firmë), për veprën penale “Shkelja e rregullave të mbrojtjes në punë””, njoftoi policia.
/a.r
