Kryeministri Edi Rama në një komunikim në rrjetin social “Facebook” u shpreh se masat shtrënguese kanë ndihmuar në uljen e agresivitetit të armikut që na ka dëmtuar më pak se sa parashikimet tona.
Rama u ndal gjithashtu edhe te punëtorët që kanë punuar në të zezë, duke i bërë thirrje të gjithëve të tregojnë ku dhe kush i ka paguar në këtë mënyrë, që më pas të përfitojnë nga paketa e ndihmës ekonomike.
“Unë do të bëj gjithçka për të mos lënë askënd vetëm në përballjen me rëndesën ekonomike. Por receta magjike nuk ka. Kushte që propozon receta me lek në dorë, ose vjen nga rruga e piramidave ose nuk di se çfarë flet.
Kemi marrë garancinë se intrumenti financiar i garancisë sovrane 100 milionë dollarë do të funksionojë menjëherë. Edhe shtyrja e kësteve të kredive do të bëhet siç e kemi diskutuar me Guvernatorin.
Ka hasur plot probleme tek bankat por po e theksoj që po lutem për durim. Por ne jemi zgjuar edhe pas ditës suaj të gjatë të rezistencës. Ka problem edhe me ata që kanë punuar në të zezë. Nuk bëjmë diçka symbyllur.
Sepse nuk mund të ndajmë kush ka punuar për kë se ashtu vijnë të gjithë dhe na thonë. Por nëse ju na hapni sytë se ku keni punuar në të zezë dhe kush ju ka paguar në të zezë . Dhe jo për të penalizuar ata që ju kanë paguar në të zezë por për të verifikuar rastin.
Nuk është diçka që nuk e kemi verifikuar. Së pari do të analizojmë sjelljen e kompanive në lidhje me instrumentin që i kemi vënë në dispozicion. Do ja u derdhim deri në fund të luftës pagën e luftës pavarësisht se deri kur zgjat”, deklaroi Rama. /e.s/
