Në qytetin e Pukës u përurua sot vendosja e bustit të poetit dhe prozatorit të shquar shqiptar të viteve 1930, Millosh Gjergj Nikolla, Migjeni. Gjatë ceremonisë së organizuar sot në Pukë, busti i realizuar nga skulptori pukjan Ardian Pepa, u vendos në qendër të qytetit.
Busti i Migjenit është realizuar falë dashamirësisë së Fran Gjokës, artistit pukjan që jeton në Shtetet e Bashkuara të Amerikës, i cili ka financuar realizimin e kësaj vepre. Pjesë e bustit të Migjenit është dhe Luli i Vocërr.
ATSH
