“The Guardian” ka publikuar pamjet e rralla që tregojnë rrënojat anijes së famshme “Titaniku” në fundin e Atlantikut.
Kjo video publikohet më shumë se një shekull pasi anija goditi ajsbergun dhe u fundos. E xhiruar nga Instituti Oqeanografik Woods Hole (WHOI) vetëm disa muaj pasi eksploruesit gjetën rrënojat në 1985, klipet emocionuese shfaqin imazhe të anijes, duke përfshirë pjesën e famshme të harkut, kuvertën dhe pajisjet e tjera.
Videoja e plotë tregon dhe brendësinë e anijes nën sipërfaqen e oqeanit.
“Titaniku” u zhyt në 14 Prill 1912 në Atlantik teksa udhëtonte për herë të parë nga Southampton të Anglisë për në New York. Më shumë se 1500 njerëz humbën jetën ndërsa e gjithë bota u trondit nga kjo tragjedi. Njerëzit u zemëruan në masë për mungesën e varkave të shpëtimit në bord.
Një ekip nga WHOI dhe Instituti Kombëtar Francez i Oqeanografisë arritën të shkrepnin foto të anijes së fundosur gjatë 11 zhytjeve në Korrik të 1986-ës.
Filmi me të njëjtin emër që pasqyroi ngjarjen e rëndë, ka fituar 11 çmime “Oscar”.
/a.r
