Autori i dyshuar për ekzekutimin e komisar Artan Çukut dyshohet të jetë personi i identifikuar si Mikel Shallari, 24 vjeç, me origjinë nga Kuçova.
Ai është ndaluar në kryeqytet në afërsi të zonës së njohur si “Pallatit me shigjeta”, teksa udhëtonte në makinë me një mikeshën e tij nga Lushnja dhe një person që nuk rezulton të jetë i përfshirë në ngjarje.
Ky person i dyshuar për krimin e rëndë dyshohet të ketë patur probleme të mëparshme me policinë. Ai ka qenë i arrestuar për trafik lëndësh narkotike dhe për të përplasje të tjera me Policinë e Shtetit.
Ndalimi i këtij personi është bërë pas analizimit të AND-së, pasi autori i ngjarjes ka hequr bluzën që mbante veshur në momentin e ngjarjes, dhe e ka hedhur atë pak metra larg vendngjarjes.
