Në orën 20:45 Shqipëria zbret në fushën e lojës për të hapur siparin e edicionit të dytë të Ligës së Kombeve. Përballë është Bjellorusia, e cila luan në shtëpi, megjithëse do të jetë një ndeshje pa tifozë. Janë zbardhur edhe formacionet zyrtare të kësaj ndeshje, ku nuk ka asnjë surprizë nga ajo çka ishte raportuar nga mëngjesi i sotëm në medie në lidhje me 11-shen, që do zbriste në fushë.
Shqipëria kërkon maksimumin që në startin e Ligës së Kombeve, për këtë arsye trajneri Edi Reja i ka besuar formacionin titullarëve lojtarëve me të cilët punoi edhe gjatë kualifikueseve “Euro 2020”.
Luhet me skemën klasike të Rejas, 3-5-2. Në portë është ylli i Lacios, Tomas Strakosha, ndërsa para tij është Gjimshiti, Dermaku dhe Veseli. Në mesfushë luajnë Hysaj, Abrashi, Bare, Gjasula dhe Trashi, i cili këtë ndeshje do të luajë si i majtë dhe në sulm është dyshja Manaj-Cikalleshi.
Shqipëria: Strakosha, Veseli, Gjimshiti, Dermaku, Hysaj, Gjasula, Bare, Abrashi, Trashi, Cikalleshi, Manaj.
Bjellorusia: Gutor, Zolotov, Martinoviç, Naumov, Bordaçev, Nekhjajçik, Iablonski, Seliava, Staseviç, Dragun, Lisakoviç.
