Të shtunën, Huma Abedin, strategia politike, autorja dhe ndihmësja e gjatë e Hillary Clinton, u martua me investitorin dhe filantropin Alex Soros në shtëpinë e çiftit në Water Mill, NY.
Çifti u takua për herë të parë në një festë të organizuar nga miqtë e tyre James dhe Nicky Hilton Rothschild në tetor 2023 dhe filluan të dilnin menjëherë pas kësaj. Në qershor 2024, ata u fejuan pasi Soros i propozoi Abedin me një unazë diamanti me prerje smeraldi.
“Alex bleu unazën një mëngjes dhe më propozoi pranë tavolinës së ngrënies po atë mbrëmje. Ai ma dha unazën në një qese duke thënë se ishte ‘embëlsirë’”, tregon Abedin për Vogue .
“Ishte një ditë e gjatë në punë dhe isha e shpërqendruar sepse po nisesha për një udhëtim herët të nesërmen në mëngjes. Ishte një surprizë e vërtetë dhe e bukur”, tregon ajo.
Por, si një djalë romantik, Alex nuk u ndal me kaq pasi disa javë më vonë, ata udhëtuan për në Itali dhe ai i propozoi përsëri në ballkonin e dhomës së tyre të hotelit.
Ndërkohë që vetë Huma ka treguar se në asnjë moment planet e tyre për një dasmë të madhe nuk figuronin askund.
“U fejuam pa plane për të bërë dasmë. Folëm për të organizuar darka të vogla në qytete të ndryshme sepse kemi familje dhe miq të ngushtë në të gjithë botën. Por sapo vendosëm të bënim dasmë, ose më saktë kur na udhëzuan Hillary dhe Anna [Wintour], të cilat nxorën kalendarët e tyre dhe sugjeruan datën”, tha ajo, data më pas u caktua dhe çifti ishin të qartë se çfarë dëshironin, pra një martesë mes njerëzve të tyre të dashur e pikërisht në shtëpinë e tyre.
E shumë është folur përgjatë ditëve të fundit për këtë dasmë, ndërkohë që vetë VOGUE të cilët kanë qëndruar krah çiftit dhe kanë ndjekur me detaj çdo moment të dasmën, kanë bërë së fundmi një artikull ku dhe kanë publikuar pamjet të cilat nuk kishin dalë askund nga dita magjike e Alexit dhe Humës.
Ata zhvilluan dy ceremoni gjatë fundjavës. Të premten, pati një festë më intime në shtëpinë e babait të Sorosit në Southampton me familjen dhe miqtë, për të nënshkruar Nikahun në nder të besimit mysliman të Abedinit dhe Ketubahun në nder të trashëgimisë hebraike të Sorosit.
Një moment mjaft prekës ka qenë ai i takimit të Humës me djalin e saj, ku ky i fundit nuk ka mbajtur as lotët.
I pranishëm në këtë dasmë ka qenë edhe kryeministri i Shqipërisë, Edi Rama. Siç dhe bëmë me dije disa ditë më partë, kreu i qeverisë shqiptare mbajti dhe një fjalim të shkurtër për mikun e tij Alex.
Deri më tani kryeministir Rama ka vendosur që të mos publikojë asgjë në rrjetet e tij sociale, por sigurisht që aparatit të Vogue s’mund t’i shpëtonte. Ai kishte vendosur që në këtë dasmë të shkonte me një kostum ngjyrë pana, të kombinuar me një këmishë ngjyrë të bardhë dhe një papion në ngjyrë Burgundy.
