Policia italiane ka shkatërruar një bandë duke vendosur në pranga 10 shqiptarë. Drejtues të organizatës kriminale të trafikut të kokainës dhe heroinës ishin dy vëllezër nga Shqipëria Shkëlzen dhe Kastriot Kasa, ndërsa të arrestuarit e tjerë janë Ilirjan Luku, Klodian Hakballa, Rezart Sula, Ervin Sgura, Ervin Keci, Erist Piku, Radebor Karina, Enkel Matraku.
Operacioni është zhvilluar në Livorno dhe disa qytete italiane, ndërsa janë sekuestruar 80 kg drogë, kokainë, heroinë dhe kanabis, por dhe sende të tjera. Droga vinte kryesisht nga Afrika e Veriut, ndërsa tregtarët e besuar të drogës fluturonin direkt nga Shqipëria, duke marrë 1500 euro në muaj. Grupi kriminal kishte një qarkullim prej gjysmë milionë euro në vit, ndërsa kishin pasuri marramendëse në Shqipëri, pasi të ardhurat ishin rreth 50 mijë euro në javë. Paratë dërgoheshin në Shqipëri me zarf nëpërmjet shoferëve të autobusëve.
ma.me
