Zvicra filloi të publikojë emrat e shtetasve të huaj të cilët kanë llogari në bankat e sa për të cilat ekzistojnë dyshime se kanë kryer evazion fiskal. Lajmi bëhet i ditur nga mediat zvicerane sipas të cilave me rekomandim të Parlamentit Evropian do të publikohen edhe pronarët e vërtet të kompanive që kanë llogari në bankat e Zvicrës.
Sipas mediave vendase, edhe pse kjo shkel rregullat e bankës, me publikimin e emrave dhe mos ruajtjen e fshehtësisë së identitetit, qeveria e zvicrës ka marrë vendimin e të bërit publik të emrave.
Në këtë mënyrë të gjitha shtetet të cilat do të duan të kontrollojnë shtetasit e tyre për evazion fiskal dhe fshehje të pasurisë do të mund ta verifikojnë tashmë këdo.
Kjo pritet të sjellë reagime të forta pasi prej kohësh flitet për një numër të lartë personash që pasuritë e tyre i transferojnë në Zvicër, aty ku shmanget edhe taksimi i dyfishtë.
