Paris St Germain ka shkatërruar Monacon me rezultatin 4-1 në Kupën e Ligës Franceze të shtunën për të ngritur kështu trofeun e katërt me radhë dhe duke përfituar në këtë mënyrë një avantazh psikologjik ndaj rivalëve të tyre në garën për titull në Ligue 1.
Julian Draxler nisi serinë e golave për PSG ndërsa Thomas Lemar barazoi shifrat para se të vinin golat nga Angel Di Maria dhe dy të tjera nga Edinson Cavani duke mbyllur një përballje drithëruese në Parc OL, raporton Koha.net.
PSG, të cilët janë tre pikë prapa Monacos në Ligue 1 me tetë ndeshje për t’u zhvilluar deri në fund të sezonit, tani janë të pamposhtur në Kupën e Ligës Franceze që nga humbja në çerekfinalen e nëntorit të vitit 2012 ndaj St Etienne.
PSG-ja e Unai Emeryt nuk u duk aspak si ajo skuadra e cila u mposht nga Barcelona në Champions League me një rezultat turpërues 6-1, ndërsa ylli i ri francez i Monacos, Kylian Mbappe, pati një paraqitje zhgënjyese.
Duhet përmendur se Monaco këtë ndeshje e zhvilloi pa Fabinhon e suspenduar dhe Radamel Falcaon e lënduar. Ky është titulli i shtatë i Kupën së Ligës Franceze për PSG-në. (b.an)
