Një nga figurat e larguara të Partisë Demokratike, Gazmend Oketa iu bashkua kësaj force politike pak javë më parë. Oketa tashmë është pjesë e Këshillit Kombëtar të PD.
I cilësuar si ‘i larguari i Berishës’, në një intervistë për “Gazea Shqiptare” Oketa ka rrëfyer edhe arsyet e rikthimit të tij në PD.
“U riktheva në PD për shkak të zhvillimeve politike. Lëvizja e studentëve dhe protesta më ktheu bësimin se mund të ndryshojë situata”, është shprehur ish ministri i Mbrojtjes.
Më tej ai është pyetur edhe për atë që përflitet më shumë se ky i fundit është një ndër kandidatët potentë të PD, për bashkinë e Durrësit në zgjedhjet e 30 qershorit.
“Unë jam në PD për më shumë se kaq. Unë jam në politikë për të kontribuar me aq sa mundem për ndërtimin e një sisietmi politik vërtet demokratik. Nëse arrijmë të ndërtojmë një sistem të tillë ju siguroj se gjithçka do të ishte më e lehtë për secilin prej nesh pavarësisht bindjeve. Nëse do ndërtojmë një sistem të tillë Shqipëria do të ishte vërtet foleja e shqiptarëve. Unë nuk e shoh politikën thjesht çështje emri apo emrash. Ajo duhet të jetë e bazuar në një sistem vlerash, parimesh, idesh dhe progresesh”, përfundoi Oketa, duke lënë kështu të hapur mundësine e kandidimit për të marrë drejtimin e Durrësit.
/a.rada
